Ngam khlain ngam tlot, nga ap ia ka 16 tarik: Ma Shibun

Shillong, 11 Iaiong:
U kyrtong ka BJP u Ma Shibun Lyngdoh u la ong ba um lah ban sngew thuh la un jop ne em ha kane ka jingiakhun ha kane ka kynti hynrei u shu pynsngew ba um shym la tlot ne khlain.
“Ngam lah ban ong ba ngan jop ne rem, ngam tlot ngam khlain”, la ong u Ma Shibun haba iakren bad u Rupang mynta ka sngi Thohdieng hadien ba la dep ia ka jingthep vote ha kane ka sngi Balang.
“Ngam lah ban batai ia ka rem na ka jop hynrei shisien ba la ialeh, kwah beit ban jop” la ong biang u Ma Shibun bad bynrap da kaba ong,
Nga la leh ia ka kamram da kaba leit sha u paidbah ban ialap.
“Ka shong ha ki paitbah ba kin jied ngam lah ong bad mynta nga ap ia ka rai ba kan mih ha ka 16 tarik Jymmang”, u la kren pynkut u Ma Shibun.
Lah ban kdew ba u kyrtong ka Congress u Bah Vincent H Pala, kham mynshwa u la kubur ba u kyrtong ka BJP u lah ban pynpait ia ka vote jong u ha ka thain Jaintia Hills. Ka jingpynpait u kyrtong ka BJP ia ka vote jong u kyrtong ka Congress ka long ka jingma ia u Bah Pala ba un dang rah biang ia ka thong ha kane ka kynti.
Ka nusip jong ki 8 ngut ki kyrtong na ka bynta ka khusnam MP na Shillong Parliamentary constituency bad ha ka ri baroh kawei, yn tip ha ka 16 tarik Jymmang.