Khambun briew ka Tura ban ia ka Shillong ha ka sngi thep vote MP

Shillong:Ha Tura ki briew kila kham mih ban ia nukor bad kiba ha shillong ha ka jingjied ia ki nongmihkhmat  MP sha Lok Sabha kata da 81.30% ha Tura bad tang 65.49% ha shillong bad ha Selsella Assembly ka kham shongshit, namar ka don ruh bad ka elekshon shiteng samoi,ha kaba ki nongthep vote  ki la poi haduh  92.20%. Kat kum ka jing khein ba la iohlum, ki briew  ha Shillong kiba mih  na ki 36 tylli ki Assembly seat ka kot  kumba 59.32% haduh  74.04 %  bad ha Tura na ki 24 tylli Assembly pat la poi haduh kumba  71.97% haduh 92.20 %. Ka Mawlai kaba dei ka   shnong kaba bun briew tam hynrei tang 59.32 %(kata tang  26,249  na ka 44,252),ki la poi thep vote. Na Tura pat ka South Tura kaba la mih duna tam kata da 71.97 % (tang 22,497 vote na ki 31,391)  bad na Selsella Assembly constituency ki la mih haduh kumba 92.02 %.