Ha ka jingiohi jong nga ban ia da na ki briew kiba na bar jylla ban ioh shong ban sah bad ban trei ban ktah laitluid ha kane ka Ri Khasi Jaintia jong ngi.
Ka KHADC bad ka JHADC ka la dei ban shna noh da ka ain ban pynshitom ia ki briew jong ngi hi da kaba buh da ka phain kaba heh bha lada lap ba ki ai wai iing, ai wai dukan lane khot trei bylla ia kino kino ki briew kiba na bar jylla ki bym biang ki kot ki sla kum ka Residential certificate, EPIC Card, Trading License, Labour License bad kiwei kiwei. Nga ngeit lada shna da kane ka ain ym don kam shuh ki NGO’s ban da leit khynra ia kita ki bar jylla sha iing ki briew, sha dukan lane wat sha ki jaka trei bapher bapher. Namar ba uwei pa uwei u trai shnong ynda pynthikna shuwa ia u bar jylla ba u biang ne em ki kot ki sla shuwa ba un ai wai iing, ai wai dukan lane wat ban khot bylla sngi ruh. Namar lada une u bar jylla ba ki ai wai iing, ai wai dukan lane khot bylla lada lap ba ym biang ki kot ki sla u trai ri trai muluk uba ai ai iing, ai wai dukan lane khot bylla yn ngat ha ka phain kaba heh bha bad ka shah pynshitom ha ka ain KHADC lane JHADC.
Nga ngeit kane ka ain kan pynsuk khyndiat ia ki seng bhalang kiba trei shitom na ka por sha ka por ban thwet ia ka pliang ja jong u trai ri trai muluk bad kumjuh ruh kan pynieng shkor ia ki trai ri trai muluk jong ngi kiba kdup ia ki briew nabar jylla.
S.S Marwein.
Nga sngew iahap bad kata ka Jong ai jingmut