Shah tied ka khynnah ba kheit syntiew

Shillong, 11 Iaiong:
Kawei ka khynnah ba 11 snem ka la shah tied jem ha uwei u briew la

tip kyrteng kum u Fredrick Kharsyntiew. Kane u khynnah ka la shah tied jem ha une u rangbah namar ba u kheit ia u syntiew na kper ha Lum Dorbar kaba don ha Upper Lumparing ha kane ka janmiet sngi Thohdieng.
Une uba shah kynnoh u la kynnoh ba u la kynjat bad shoh ia katei ka khynnah hadien ba u iohi ba ka kheit ia u syntiew.
Haba batai ia kane ka jingjia, kane ka khynnah ba 11 snem kaba dei ka khynnah skul ka Sacred Heart School ka la iathuh ba kane ka jingjia ka long ha ka por 3:20 baje janmiet katba ka dang wan na skul.
Katba ka dang iaid ha lynti ka la iohi ia ki syntiew bad ka kwah ban kheit.
“Haba nga kwah ban kheit ia u syntiew u trai u la mih shabar bad u la shoh la dat ia nga”, ka la ong bad bynrap, ” nga la iam ban pan jingiarap hynrei ym don ba sngap”.
Ka kmie ieid jong katei ka khynnah ka Kong Ethelma Sohtun ka la ong,”haba nga ioh sngew ba ka iam, nga mih nga iohi ba ka la shah shoh”.
“Haba nga poi ha katei ka jaka bad nga pyrshang ban ong bym nym shoh, hynrei utei u briew u la tim ia nga bad u la pyrshang ban shoh ruh”, ka la kynnoh ka Sohtun.
Haba iakren, ki pulit ki la iathuh ba ki la pynngat kes pyrshah ia utei uba shah kynnoh ban shjoh katkum ka IPC. Ka HNPF ka la pyntip ia kane ka jingjia sha ki pulit.