|
Donkam pynkylla thymmai ka rukom ialeh election hapoh Ri India, ban wanrah ia ka jingsynshar kaba shai.
 Kiba bun ki jingdkoh ka rukom ialeh election MDC, MLA, MP hapoh ka Ri India. Ngi kynmaw ba ha u snem 2010 ngi shah khot ha ka Union Ministry of Law, Govt of India, ban ia shim bynta ha ka 7th regional conference on Electoral Reforms, kaba la long ha Guwahati. U shongknor dei u Union Law Minister ka India, ha ka jingiadonlang ki CM ka NE.
Ngi la ai da jingthoh ki jingaijingmut katto katne kiba nga la buh hakhmat katei ka jingialang ki long.
– pynhiar noh ka por nongmihkhmat (term) na ka 5 sha ka 4 snem ban sted ka roi ka par ha baroh ki liang.
– ban ai lad tang 2term (4×2=8snem) ia u juh u briew ban long MLA, MP, CM ne PM Kum shibynta ban ai lad ia kiwei ki 1.4billion ki paidbah ka ri India
– ban pynduh noh mardor ki MLA, MP scheme namar ka long pyrshah ia ka Constitution – namar Kam shong nongrim ba ki nongmihkhmat kin kylla long, nongai contract bad contractor.
– uba jop u dei ban ioh 75 na ka shispah bad Kat bym pat ioh Kan long ka jingiakhun bad kiba ioh duna ia ka 25% kin shong noh.
– ban buh ia ka electoral funding na ka bynta ki Seng bapher bapher. Khnang ba kan ai mynsiem ia ki paidbah riewdonburom, ki riewshemphang, ban iashim bynta ym kumba long mynta ha kaba la don kam 5 crores ban ia leh MLA ne MP kaba la pynlong tamasha ia ki kyndon Election Commission namar ki shu pyndep rukom kumba ka long mynta. shuh shuh ka jinglut kaba shyrkhei ha ka election ka lam Sha ka jyrsieh ka bam sap kiba shah khlong kiba mih na ki scheme paidbah.
– ban buh ki kyndon kiba pyrkhing ha ki rukom jied nongkitkam / ki nongialam ha ki party ba kin long kiba shai ..
– ba ki party ki dei ban pynbna ia la ki kyrtong/ki nongkwah ialeh election shi snem shuwa khnang ba ki nongkyrshan/ ki paidbah kin tip bniah u/ka uba kumno ka jinglong bad ki thong.
– ba ki party kin buh ha internet haba shai ia ki kyrteng jong baroh ki nongkyrshan khamtam ki primary member ban ia tip paidbah Kum shibynta ban wanrah ka jingshai ha ki nongkyrshan.
– ban pynduh noh ka jingplie lad ban ai synniang ia ki party da ka pisa hynrei ban long beit tang da ka cheque bad ba dei ban buh ha internet is baroh ki nongai synniang naduh shi tynka shaneng.
– ban wanrah ka Ain ba Lada ki paidbah shi lak ngut ki soi ia ka dorkhast ka Dost Council, Assembly ne Parliament ki dei ban Lum Dorbar ban iakren halor katei ka phang ba la buh ha ka dorkhast.
Bad bun kiwei kiwei…..
Hadien ba la dep kren …la shu sngap jar lut ar minit..la sngew kumba la kynjah…sa bud ka jingia thap kti ..
Kitei ki jingialang ki la pynlong ha kylleng ka Ri India bad ngi kyrmen ba ha kane ka san snem ka Ri India Kan shim khia ban wanrah ia kitei ki jingpynkylla.
Khublei,
Bah John F Kharshiing,
Chairman, Ka Dorbar Ki Khlieh Nongsynshar Ka Ri Hynniewtrep,
Spokesperson, Federation of Khasi States,
|
Phi don ban ong eiei?