Mynta, ka la thikna, ba U Modi, ula don lok

Ahmedabad, 10 Iaiong:
Mynta ka la thikna, ba U Narendra Modi, u la don lok bad katei la iathuh, ba ka dei ka jingjia, kaba la jia la 50snem mynshwa.
U Narendra Modi, ula phla, ba ula ia poi kha bad ka Jashodaben, ha ka jingbam smai, kaba u thep kyrteng ialade, na Vado rada Lok Sabbha Constituency ha ka sngi balang ba ladep bad katei ka dei ka jingtip, kaba ula sei madan, ha ka sien kaba nyngkong, wat la baroh shi katta, u shu iehnoh thylli, ia katei ka phang.
U hynmen jong U Narendra Modi, u iathuh ba katei ka jing ia poi kha, kaba la jia ia U Narendra Modi, ka dei kaba tang shi por bad kaba la pynbeit da ki kmie ki kpa bad hadien kata, ula iehnoh ia ka iing bad ula iaid beit da kawei ka thong bad kata ka long ban shakri ia ka ri.
U Somabhai, u iathuh ba U Narendra Modi, u dei uwei na ki hynriew ngut shi para, ba ki ia don bad u don ia kawei ka jingmut bad kata, ka long ban shakri ia ka Ri.
Ong U Somabhai “U Modi, ula iehnoh ia ka iing, namar ba u sngew ba ka pyrthei, ka dei kawei ka iing ha ka jingsngew jong u”.