Kular ka BJP ban wan rah biang ia ka ain CAB, lada wan ha ka Sorkar

New Delhi: Ha ka sngi nyng kong ka seng sain pyrthei kaba la lam khmat da u Prime Minister Narenda Modi kata ka Bharatiya Janata Party (BJP) ka la ong ba lada ka seng ka ioh biang ia ka bor synshar kan sa wanrah biang ia ka Citizenship Amendment bill (CAB). Shuh shuh na ka liang jong u u myntri ka tnat kam pohing u ba dei u Rajnath Singh haka por ba u la pyllait ia ka mat ilekshon, u la ong ba la da ka sorkar NDA, ka wan biang ha ka bor kan sa rah biang sa shisien ia katei ka bill namar kan iarap ruh ban pynneh bad iarap ia kito ki paid kiba dei ki nong India kiba kwah ban wanphai noh sha la ing. Satang khyndiat sngi shuwa ban sdang ka election ka BJP ka la pyllait ia ka mat jong ka seng ha New Delhi ha katei ka jingialang la ia don lang u Prime Minister Narendra Modi, union external affairs minister Sushma Swaraj, BJP national president Amit Shah bad kiwei kiwei de ki nongialam jong ka seng.
Bad ha ba phai sha katei ka jing ialang ka BJP ka la ong ba kan wanrah beit ia katei ka ain (CAB) lada wan biang haka bor ban iada ia ki niam bad kumjuh ruh bad kan sa peit bniah ban iada ruh iaka jing kiew bad ka jing bun briew jong ki jylla shatei lam mingi hi baroh kawei.
Shuh shuh ka BJP ka la ong ba kan sa pyntreikam noh daka NRC kumba ka la pyntrei hapoh jylla Assam kumjuh ka jing pyntrei kam ia ka NRC kan iaid beit beit shakhmat khnang ba kan ym ai lad ia ki poiwir bym dei hok ban ioh wan kiew sha kane ka ri.