“Ka jingbymlah ban bat ia u lakam synshar, dei namar ka jingiapait ia pra”

Nongstoiñ: U Lamphang ka ïing Dorbar thaw ain jong ka sorkar Jylla u Dr. Donkupar Roy u la ong ba ka jingbym lah jong ki Seng Riewlum ban bat ia u lakam synshar kadei namar ka jingia pait ia pra bad ka jingia pait ia pra ka jong ki kala pynlong ruh ban rem ilekshon bad jop suk kiwei.
Shuh shuh u Dr. Donkupar  Roy u la pyniasyriem ruh ia ka jinglong jingman jong ki Seng Riewlum kum ha kapor u Tirot Sing Syiem da kaba u la ong ba ka jingbym ioh jingjop bad ka jingrem ilekshon ki Seng Riewlum kadei namar ka jingiapait ia para kumba long ki Hima Khasi ha kapor u Tirot Sing.
Ki nongialam jong ki jylla bapher bapher na kawei kapor sha kawei ka por ki ia pyrkhat kumno ban pynia tylli ia ki seng riewlum baroh bad ruh kumno ban pynia tylli ia u paidbah bad kane kala wan ban urlong mynta ka kynti lyngba kane ka jingjied ia u kyrtong iamon lang ha kane ka ilekshon MP.
“Haba ngi la ia tylli mlon kawei kala kylla long pynban ka bor bah kaba la pynkhlain ia ngi ki Seng Riewlum khnang ba kiwei kim pat kin nym lah shuh ban ialeh pyrshah” ong u Dr. Donkupar Roy.