13 tarik ka semi phainal ba khatduh hapdeng ka Laban pyrshah ia ka Assam Regiment

Nongstoiñ: Ka jingiakhun semi phainal ba khatduh jong ka lympung 2nd Invitation Knock out Football Tournament ba la pyniaid da ka New Nongstoiñ Sport Social Cultural Club (NNSSCC) kan long biang ha ka 13 tarik mynta u bnai ryngkat ka jingshitrhem khamtam eh ia kito ki jingialehkai kiba la dep.
Katei ka jingiakhun semi phainal ba khatduh kadei ruh ka jingiakhun ia ka second leg hapdeng ka Laban SC pyrshah ia ka Assam Regiment kan long biang sa ha ka 13 tarik mynta u bnai bad ki ban iaknieh ruh ban pynioh ia u nam tam na ka bynta ban poi sha ka phainal bad ban iakhun ruh ia ka Umiam United na ka bynta ban iaknieh ia ka nam lahduh.
Kum ban shu pyn kynmaw ba ka jingiakhun ha ka first leg ka la long kaba itynnad bha namar ba ka Laban ka la ioh ban pynphai noh ia ki 4 tylli ki kol ba ka la shah thep bad ka shah tam ruh tang 1 kol ha ka Assam Regiment ha katei ka jingiakhun jong ka first leg. Kumta kane kan long shisha ka jingiakhun kaba itynnat.