Shillong: Ka 11th Babu Ondromoni Dkhar Memorial bad ka 14th I.P. Das Memorial Inter School Cricket Tournament 2019 jong ka Under-17 bad Under-14 ba la pynlong da ka Shillong Cricket Association ka la sdang myn hynnin ka sngi ha madan ialehkai kriket ka MCA, Polo.
Ha ka jingialehkai banyngkong ha ka U-17 hapdeng ka RB Anup Chand bad ka Arya Kanya Vidyalaya school. Ka RB Anup Chand ka la jop da 10 wiket ia ka Arya.
Ha ka jingiakhun kaba ar, ka KV Upper Shillong ka la pynliem ia ka Tender Child Secondary School da 6 wiket.
Ka Tender Child ka la tied nyngkong bad ioh ban kamai 91/9 ha ki 15 over lyngba u Suraj Chettri 14 run na ki 12 bol bad Sagar Rai 11 run na ki 10 bol, katba ki nong kawang bol u Shadab Alam ula khur 3 wkt bad u Akash Singh 2 wiket.
Ha kawei pat ka jingiakhun ka Gorkha Pathshala (Umsning) ka la jop da 25 run ia ka BSF School. Ka BSF kaba ka wan ban beh nadien ka la ioh kamai tang 72/10 ha ki 12.4 over lyngba u Appaji YM 10 run bad u Mridul Das 7 run na ki 7 bol, katba na ki nongkawang bol u Samir Mizar ula khur 4 wkt bad u Siraj Ali 2 wiket.
Phi don ban ong eiei?