Ka Shad Sukra ka Seiñ Raij Tuber ha ka 6 tarik iaiong

Jowai: Kumba ju leh man la u snem ha shwa ban hiar rep hiar riang, katkum ka dustur jong ki Pnar, khamtam kiba dang long niamtre, la ju pynlong ia ka Shad Sukra kaba long shibynta kum ka jing ainguh aidem ia ka mei mariang ha shwa ban hiar shala ki hali ki lyngkha ban sdang ka rep ka riang.

Mynta u snem ka Seiñ Raij Tuber kan pynlong ia ka Shad Sukra jong u ne u snem 2019 ha Law Kyntang ka Raij Tuber haka 6 tarik Iaiong ka ban sdang naduh ka por 11 baje mynstep haka ne ka sngi yn iashimbynta daki dong ki shnong bapher bapher kiba hap hapoh ka Raij Tuber.
Kumta ka Seiñ Raij Tuber ka khot ka wer iaki khun hyniewtrep hynniew skum ba kin wan sakhi iakane ka jing lehkmen leh sngewbha da ka Shad Sukra.