Ka Congress, ka ia dei paralok bad ka seng ki poiwir Muslim, ong U Bah Sanbor Shullai

Shillong: U Bah Sanbor Shullai, kandidet jong ka seng BJP na Shillong, ula pyn kynmaw ba ka seng BJP, ka don mynta ha ka jing ia treilang bad ka seng AGP bad ka BPF (Assam Gana Parishad bad Bodoland People Front) ha Assam, katba ka Congress ka ia treilang bad ka AIUDF (All India United Democratic Front) ka seng ba la thaw da U  Badruddin Ajmal, uba dei u nongialam ba snar jong ki poiwir Muslim, kiba na Bangladesh. U bah Sanbor, u ong ba ka jing iatreilang ka Congress bad ka AIUDF, kan buh jingma kaba khraw ia ka jinglong ka thain shatei lam mihngi, kynthup ruh ia ka Meghalaya.

La ong shuh ba ka dei tang lyngba jong ka seng BJP bad lyngba jong Narendra Modi, kaba lah ban pyllait ia ka Ri, na kitei ki jing ia dei paralok bym khuid.