Shillong: U Rophul S Marak, uba dei U MLA barim jong ka Meghalaya, ula pyniasoh ialade mynta ka sngi bad ka seng Congress ha ka nongbah Baghmara ha South Garo Hills District.
U Rophul, u dei U MLA shimet na Rongara-Siju bad u dei uba wan ba ar, hadien jong U Rakkam Sangma, u MLA jong ka seng NPP, ha ka elekshon MLA 2018.
U Rophul, ula pyniasoh ialade sha ka seng Congress, ha ryngkat U Kenadik S Marak (Rongara) bad U Dr Saljagringgrang Marak, uba dei sa uwei pat u kandidet uba iakhun elekshon na Baghmara.
La pdiang sngewbha ia kitei sha ka seng Congress, da U Mukul Sangma, kandidet MP jong ka seng Congress, U Lazarus Sangma MLA ka Chokpot nalor kiwei pat. Nalor kitei ki nongialam, ki la don ruh ki nongkyrshan jongki, kiba pyniasoh ialade sha ka seng Congress.
Phi don ban ong eiei?