Mih ka jing ia nia hapdeng ka MDC Nongshken bad U CEM ka KHADC

Shillong: Ka jingkren ai khublei kyrkhu kyrdoh ia u symbud shongknor ka Khasi Hills Autonomous District Council (KHADC) u bah Alvin Sawkmie namar ka jingmih kynsan ka jingiania hapdeng ki dkhot ka Council.

Kane ka jingiania ka la mih ha ka por ba ka Kong Grace Mary Kharpuri ka MDC ka Congress na Nongshken, kala wanrah ia ka mat da kaba ong ba ka long ka bym sngew tynnad ia ka jingshah thad u chairman u bah Pynshngain Syiem ha u Deputy Chief Executive Member (Dy.CEM) u bah Pyniaidsing Syiem kumba la paw ha ki lad pathai khubor.

Kane ka jingkren ka kong Grace ka la pynlong ia u MDC ka Sohra u bah Titossterwell Chyne ban pyrshah ia kane ka jingkren kynthah ka MDC ka Congress, namar ba ka dei ka jingkren kyrkhu kyrdoh ia u Symbud Shongknor, ym ban iakren kynthah.

Ha kane ka por, u Chief Executive Member (CEM) u bah Teinwel Dkhar ula ieng lang ban pyrshah ia kane ka jingkren ka MDC ka Nongshken. “Kam long kaba sngew tynnad ban mih ha ki lad pathai khubor ban shah thad u Chairman namar ba ka shong ka jingtbit jongu ban pyniaid ia ka dorbar”, la ong ka kong Grace.

“Kane kam dei ban iakren ia ki mat hynrei ka dei ban iakren kyrkhu kyrdoh, lada phi kwah ban kren ia kane, wanrah ha kawei ka bynta ym ha kane ka jingiakren kitbok”, la ong u bah Titossterwell bad u bah Teinwel.