“Katba U Blei, u dang i bit ianga ban im, ym don ba lah pynmynsaw ianga”

New delhi,8 Iaiong:
Ka jingshah thom bor u nongialam ba ha khliehduh ka Aam Aadmi Party (AAP) u Arvind Ke jriwal ka dang iai bteng ha kine ki sngi ba jur ka jingialap elekshon MP Lok Sabha. Mynta ka sngi ka la long kaba sien kaba san ha ka shibnai ba u Kejriwal un shah thombor, ha kaba u la shah thab ha uwei u nongniah Auto ha West Delhi katba u dang ialap elekshon ia ka kyrtong ka AAP ka Rakhi Birla. Kham ha shuwa ia kane u Kejri wal u la shah kura ha uwei u khynah samla ha South Delhi ha ka 4 tarik mynta u bnai.U Kejriwal u la shah thap ha u nongniah Auto uba la tip kyrteng kum u Lali,38 snem karta bad katei ka jingjia ka la jia ha Sultanpuri. Halor katei ka jing shah thombor kaba man ka por, u Kejriwal u la ong ba kane ka lah ruh ban dei ka jingma ia ka jingim jong,u ha kaba ka lah ruh ban poi shaduh u pud ka jingshah pyniap. U la lyng ngoh ruh ba wat hadien ka jingshah kem ki nong thombor, ka jing thombor ka dang bteng. “Balei ki jia ki jingshah thombor ia ngi, kin dang bun ki jing shah thombor, ngi lah ruh ban shah pyniap” ong u Kejriwal.
“Balei nga shah leh kumne? mano ki khraw pyrkhat halor kane?, kaei ki kwah? Bad kaei ka jingioh nong jong ki?” ong u Arvind uba la kyntait biang sa shisien ia ka jingtyrwa ban pynbiang bor pahara ia u kum kiwei pat ki heh sain pyrthei. Ha ka juh ka por u la ong “Ai ba kin jied hi ia ka jaka, ngan sa wan, ai ba kin shoh katba ki mon”.
Haba la kylli na u Kejriwal hato la ka ka jingshah thombor ka dei ba ki don kiba thmu sniew ia u, u la ong ba naduh ba ka AAP ka khie im ka pynkulmar khlieh ia kiwei pat ki seng sain pyrthei. “Ngam kwah bor pahara katba u Blei u dang ibit ia nga ban im, ym don ba lah ban pynmynsaw ia nga, ka sngi kaba u blei u la ibit ia nga, ngan iap , ym don ba lah ban khang” ong biang u Kejriwal.
Ha katei ka jingshah thombor u Kejriwal u briew uba la leit ban thab ia u, u la pynmih ki ktien kiba ong ba u Kejriwal u dei uba thok ba shukor, bad u la ong ba ka seng Congress bad ka BJP ki khambha ban ia ka AAP. Halor kitei ki jingkren u nongthombor ka BJP ka kyntait ban shim ia ka jingkitkhlieh. U Kejriwal khlem da jer kyrteng iano iano ruh u la kynnoh ba ki nongthombor ia u ki dei kiba la ioh pisa nangno re, “Ka jingshah thombor kaba khadduh ka dei kaba don nongsiew, ngam tip mano ba donkti” pynkut u Kejriwal.