“Ngan ialeh elekshon, namar ba U Blei u phah ianga” ong ka kandidet na Mizoram

Aizawl: Ka  Lalthlamuani, ka dei ka kandidet kynthei ba nyngkong ban iakhun ia ka elekshon Lok Sabbha, hynrei ka iathuh ba kan iakhun ia katei ka elekshon, namar ba ka dei ka jingphah jong U Blei.

“U Blei, u phah ba ngan ialeh ia kane ka elekshon bad ban pynneh ia ka jait ka kynja jong ka jaitbynriew jongnga” ong katei ka kandidet kaba don 63snem ka rta.

“Ngi ki Mizo, ngi dei ka jaitbynriew ba la jah jong ki Israel bad ngi donkam ban pynsngew ia ka sur jongngi sha ka sorkar India”. “Nga buh ruh hangne ia ka jingiakob sha baroh ki kynthei, ba lada kum manga kaba rit bad kaba duna ka jingnang jingstad nga nud ban iakhun ia ka elekshon Lok Sabbha, kumta kiwei pat kiba la kham nang kham tad, ki dei ban mih shakhmat bad ban wan rah ia ka jingkylla. Nga kyrpad ia baroh, ha ka kyrteng jong U Blei ba kin thep vote ia nga” ka la ong shuh shuh.

Ka dei ha ka sien ba nyngkong ha ka histori jong ka Mizoram, ba kan mih ka kynthei ban iakhun ia ka elekshon Lok Sabbha kaba don tang uwei u dkhot sha Lok Sabbha.

Ka Lalthlamuani, ka dei ka jaitbynriew Jew bad kan iakhun kum ka kandidet khlem seng bad kan ia khun pyrshah ia san ngut ki kyndidet shynrang.