Ki mit mit kim lah ban khring briew satia sha ki jingialang paidbah ka BJP

Ka khubor, kaba la pynmih da na news portal jong ka North East Now, ka iathuh ba mynta ka sngi, ka la don ka jingialang paidbah jong ki kandidet ka seng BJP ha Karimganj bad Borjhar Guwahati, ha kaba la wan da ki kandidet jong katei ka seng, U  Kripanath Mallah bad ka Queen Ojha, hynrei la iathuh ba ym don briew satia kiba poi sha kitei ki ar tylli ki jingialang paidbah.

Ha ka jingialang paidbah ba la wan shim bynta lang da U Mahendra Singh, myntri ka sorkar Assam, nangta sa U  Parimal Suklabadya bad U Kabindra Purkayastha, hynrei kam shym la khring satia ia ki paidbah nongsngap bad ki shuki ki la shong thylli ha katei ka madan. La iathuh ba ki nongialam BJP, ki la thied shibun ki mit mit ban kiwei de ki jingbam ban khring ia ki paidbah, hynrei la iathuh ba kitei ki mit mit kim shym la lah ban pynlum briew.

Na ka jingwan duna ki paidbah, kumta kitei ki nongialam BJP, ba kynthup ia U  Mahendra Singh bad kiwei pat ki la hap ban ap haduh shi kynta.

Ha Borjhar ruh la iathuh ba ka jingialang jong ka  Queen Ojha, kam shym la long kaba shongshit satia. Ka jingbeh ka lyer iong, ka la pynjot noh ia ka rynsan jingialang paidbah bad la iathuh ba katei ka jingialang, ka dei ka ban iashim bynta lang da ki nongialam ka seng AGP, ba kynthup ia u  Siddhartha Bhattacharya, Ramendra Narayan Kalita, Atul Borah, Kamala Kalita bad kiwei kiwei.