Ha shwa ka elekshon dorbar Jylla, la nang jop ka BJP da 2 ki MLA

Ha shwa ban pynlong ia ka elekshon dorbar Jylla ha Arunachal Pradesh, ha ka 11tarik Iaiong 2019, ka BJP, ka la nang jop lypa ha ar tylli ki Constituency.

U Kiren Rijiju, myntri kam poh iing ka sorkar India, ula tweet “Ka BJP, ka la ioh ia ka jingjop kaba nyngkong, U  Kento Jini na 31-Aalo East Constituency ha Arunachal Pradesh ula jop khlem don ba ialeh pyrshah.”

Kham hadien U Rijiju, ula  tweet biang “Sa uwei u nongjop sha ka BJP, U Taba Tedir, u dei U MLA uba ar ban jop khlem da don ba ialeh pyrshah bad utei u dei na  16-Yachuli Assembly Constituency ha Arunachal Pradesh.”

Ka jingjied ia 60ngut ki dkhot jong ka dorbar Jylla ha  Arunachal Pradesh, kan long ha ka 11tarik Iaiong 2019, ha kaba U  Kiren Rijiju un iakhun kum u kandidet BJP ba Arunachal West bad U Tapir Gao, un iakhun na  Arunachal East.