Rah ka Nangkiew SC bad ka Wahlyngkhat SC ha ka ialehkai ki heprit ha Pynursla

Shillong: Ka lumpung ialehkai ki heprit ka Pynursla Block jong ka U-12 CMYDS ka la kut myn hynnin ka sngi ha madan Urksew Wahpathaw, Pynursla. Ha ka jingiakhun ia ka nam lahduh jong ki shynrang, ka Nangkiew SC ka la pynliem ia ka Kyntonsa-ir FC da 6-0.

Ha ka jingiakhun jongki kynthei, ka Wahlyngkhat SC ka la pynliem ia ka Iaikyrshan FC da 3-0.
Kine ki lahduh kin mihkhmat na ka Block sha ka district kaban sa long shen ha kine ki sngi.
Ia ki khusnam bad syrnot sha ki nongialehkai bad ki lahduh la sam da bah Don Khonglam u Secretary ka Riwar Mihngi Sports Association, u bah B. L Nongbet u Football Coach ka East khasi Hills, u bah Rohit Nongspung u Grassroots coach.