Pulom ka jingialang paidbah, ban ai bor ia ka Star Cement ban tih mawshun haduh 25lak ton

Shillong: Ka jing ia lum paidbah jong ki nongshong shnong ka Lumshnong ha ryngkat ka jing ia trei lang ki Sengbhalang, ka la pyn pulom ia ka jing ialang paidbah ha katei ka shnong mynta ka sngi, kaba thmu ban ai jingbit na ka bynta ba  ka kompeni Star Cement, kan tih mawshun na ka 9lak ton sha ka 25lak ton ha ka shisnem.

Na ka liang jong ka dorbar Lumshnong, ka la khang lynti ia ki briew sorkar, ba kin rung sha u pud u sam jong ka shnong ha ryngkat ki khynnah skul ruh kumjuh, kum ka dak ban pynpaw ia ka jingsngew pyrshah jur halor kane ka jingthmu jong ka sorkar Jylla, lyngba ka tnat jong ka Meghalaya Pollution Controll Board lem bad ki bor pyniaid jong ka East Jaintia Hills District, ban pyniaid shakhmat ia katei ka jingialang paidbah mynta ka sngi, khlem da ioh ia ka jing mynjur jong ka dorbar Shnong.