U Pramod Sawant, uwei na ki nongialam jong ka seng Bharatiya Janata Party (BJP), ula bam smai kum u myntri rangbah ba thymmai jong ka Goa, ha ka por 2baje mynne dang step phyrngab bad katei ka dei mar ia dep leit on thang ia U Manohar Parrikar, myntri rangbah katei ka Jylla, uba la khlad hynnin ka sngi.
Arngut ki myntri rangbah ba ar ruh la pynsmai mynne mynstep bad kitei ki long na ka seng synrop jong ka Maharashtrawadi Gomantak Party (MGP) bad ka Goa Forward Party (GFP).
Ka jing pynsmai ia U Sawant, la pynbeit kham mynshwa, ha ka por 11baje hynnin ka miet, hynrei la pynbeit noh ha a por 1.50 hynne mynstep.
Hadien ka jingkhlad noh U Parrikar, ka Congress, ka la kam ban thaw sorkar ha katei ka Jylla, namar ba ka don 14ngut ki MLA, katba ka seng BJP, mynta ka don tang 12ngut ki MLA, ha ka iing kaba don 36ngut ki dkhot bad ka donkam ia ka jingkyrshan jong 7ngut ki dkhot ka iing dorbar, ba kan bteng ban don h aka sorkar. Ka seng BJP, ka la thaw sorkar ha u snem 2017, da ka jingkyrshan jong ka MGP bad ka GFP, kiba don mar lai ngut ki MLA lem bad 3ngut ki dkhot marwei.
Ki don ar ngut ki MLA jong ka seng Congress kiba la resain noh na ka jinglong dkhot ha katei ka iing dorbar ha u snem ba ladep bad nangta sa U Francis D Soura, uba la khlad noh bad myntsa sa U Manohar Parrikar bad mynta ka iing dorbar, ka duna saw ngut ki dkhot.
U Sawant, u dei u doktor ayurvedic bad u dei uba ju long u nongialam samla ka seng BJP bad u mihkhmat na ka Sanquelim assembly constituency, ha kaba ula jop ha u snem 2017 bad kham mynshwa, ula long u dkhot jong ka iing dorbar ha ka sien kaba nyngkong ha u snem 2012.
Phi don ban ong eiei?