Kem ki riew paidbah ia ki runar tuh kali na Tura

Shillong: Myn hynnin ka step la ioh kem da ki riew paidbah ia ki snar nongtuh kali kiba satar bha ha ka nongbah Tura. Kitei ki runar, ki don jingthmu ruh ban thang ia katei ka kali, haba kim shym la lah satia ban rong tuh ia ka.
La iathuh ba kitei ki runar, ki don 3ngut bad la lap ia ki ha ka dong Teteng Aja, kaba hap ha Tura bad ha katei ka por, ki dang pyrshang ban rong tuh ia ka kali Hyundai Creta, kaba don ia u number ML 08 E 5477; hynrei haba kim lah ban rong ia katei ka kali, ki la pyrshang ban thang bad katei ka kali, ka la ing malu mala haba ki jaka shong bad ki iit ki la kem ding.
Ki nongshong shnong, ki la beh thong ia kitei ki lai ngut bad ia uwei na kitei la ioh bat noh da ki pulit kiba pahara ha katei ka shnong bad utei uba shah kem, u dei uba kyrteng U Tangseng Marak uba na Mendipathar jong ka North Garo Hills. U Tangseng, ula phet krad ialade bad kynthih ha ka jingjrong ka riat kaba 15 metre, hynrei la ioh bat ia u ha ka jingbeh thong jong ki pulit bad ki riew paidbah.