Pynliem ka NFU da 23 run ia ka Sumer ha ka Super T20

Shillong: Ka NFU CC ka la pynliem ia ka Sumer CC da 23 run ha ka Super Divisoion T20 ka SAC hynnin ka sngi u Blei ha madan Polo.
Ka NFU ka la tied 128 run bad shah pynhap noh 8 wkt ha ki 20 over bad ki nongtied ba kham paw khmat ki long u Aasif Khan ula kamai 30 run na ki 19 bol bad u Raj Biswa 21 run na ki 16 bol katba na ki nongkawang ka Sumer u Binay Kumar ula khur 3 wkt ha ki 16 run na ki 4 over bad u Hiraj Rabha ula khur 2 wkt ha ki 25 run na ki 4 over.
Ka Summer kaba beh kam shym la lah ban poi sha ka thong bad kamai tang 105 run bad shah pynhap baroh ki 10 wkt ha ki 19.5 over.
Ki nongtied ba khampaw ki long u Suraj Chettri ula ioh ban ban kamai 35 run na ki 32 bol bad u Pritam Singh 16 run na ki 15 bol katba na ki nongkawang bol u Ricky ula khur 3 wkt ha ki 16 run na ki 3 over.
Ha ka jingiakhun ha ka sngi Saitjain ka United XI ka la pynliem ia ka Sunrisers da 16 run.