U Rahul Gandhi President jong ka seng Congress, ula ther tyngeh ia U Narendra Modi, halor ka jingkhot jongu ialade ba u dei u shokidar bad ha ka jubab jong U Gandhi, ula ong “U Modi, u kwah ba baroh kin ia long chokidar, hadien ba ula shah kem ialade”.
Haba kren ha ka jingialang paidbah ha Kalaburagi, kaba don sha Hyderabad-Karnataka, kaba dei ka jaka, ba un iakhun U Mallikarjun Kharge, u nongialam jong ka seng Congress ha Lok Sabbha pyrshah ia U Umesh Jadhav, uba la mih noh na ka seng Congress, da kaba leit iasoh ialade sha ka seng BJP.
“Haba u shimti kum u myntri rangbahduh, u Modi, u ong pynlong ianga u shokidar bad u khlem ong ban pynlong shokidar ia baroh” ong U Rahul bad u ong biang “U dei u shokidar na ka bynta jongno? Dei ia U Anil Ambani, Mehul Choksi, Nirav Modi bad U Lalit Modi”.
Haba kren halor ka jingthied liengsuin Rafale, U Gandhi, u ong ba ka jingthied tiar ia siat Rafale, ka de kaba remdor tam ha ka pyrthei bad kumta ka sorkar United Progressive Alliance, ka kwah ban ailad ia ka Hindustan Aeronautics Ltd ba kan lah ban shna liengsuin. “Mar ia leit U Modi sha France bad U Anil Ambani, baroh ka jingiateh ka la kylla lut khoit” ong U Rahul.
U Rahul, ula kynnoh ruh ba U Modi, um shym bat satlai ia la ka jong ka kular bad u ong ba U Modi, ula kular ban thep pisa T.15lak ha kawei pa kawei ka account bad ba un ai kam 2 klur tylli ha ka shisnem, hynrei kine ki kular kim shym urlong satia haduh ha kine ki sngi.
U Rahul, u kynnoh ruh ba U Modi, ula map ram kaba shongdor T.3.5lak klur, na ka bynta ki 15ngut ki heh spah ka India bad ula ong shuh “Ngi la rai ba hadien ka elekshon, ka sorkar Congress, kan siew beit ia ka pisa sha kti ki paidbah, lyngba ka dor kaba la mang da ka sorkar” bad ula ong shuh “Kam pat don kano kano ka Ri, kaba la leh ia kane, hynrei ka Congress, ka leh ia kane na ka bynta kiba duk”.
N. Modi PM la tymmen, ka ri INDIA ka kwah PM da u SAMLA kata dei da u RAHUL GANDHI PRESIDENT jong ka Seng Congress.
San snem mynshwa u pyrta actcha din ryngkat bad ki kular, mynta la phlop ki kular u sdang pyrta chokider din ba un ioh ap ia ki pisa ba u la lum thup baroh san snem, hadin un pyrta pat kumno, “morda din”???