Weng jingiakhih ki babu SSA

Shillong: Ka AMSSASTA, ha ka 8tarik Lber 2019, ka la ai por san sngi ia ka sorkar Jylla, na ka bynta ban siew noh ia ka tulop jong ki nonghikai SSA lane ba kan pynlong da ka jingiakhih lane ka jingkhang ia ki skul, ha ka Jylla baroh kawei.
Ha kajuh ka por, ka AMSSASTA, ka la rai ban weng noh shwa ia katei ka jingthmu jongka ban iakhih, hadien ba U Ma Lakmen Rymbui, ula kular ha ka 14tarik Lber 2019, ha ka iing dorbar Jylla, ban pyllait noh ia ka tulop jong ki nonghikai SSA bad kumta, lyngba katei ka jing kular jong U Ma Rymbui, ki nonghikai ki la sangeh noh shwa ia ka jingiakhih jongki
Ki nonghikai SSA, ki ai khublei ruh ia U Bah Mayralborn Syiem MLA ka Nongpoh, ba ula leit rah ia katei ka mat, kaba dei halor ka jingeh ki nonghikai SSA. Katei ka seng, ka kwah namarkata ba ka sorkar Jylla, kan siew noh ia ka tulop jong ki nonghikai man la ka ar bnai, ong ka kyrwoh na U bah DS Lamare, General Secretary AMSSASTA Central Body.