Shah shoh ka longkmie, haba leit jingialang HANM

Shillong: Ka kong Christina Mukhim, ka la ujor ba ha ka 13tarik Lber 2019, ha ka por 8baje mynstep, katba ka dang leit sha ka shnong Nepalbora ban don lang ha ka jingialang jong ka HANM, ki la wan lai ngut ki kynthei, ka kong Martina Tariang, ka Junita Tariang bad ka Anjali Rupsi, ha kaba ki la pynsangeh ia ka scooter jongka bad hangta ki la kylli shaphang ki kam jong ka HANM Women’s Wing bad nangta ka Anjali Rupsi ka la kren bein ruh ia ka kong Mukhim.
Ym tang katta, la iathuh shuh shuh ba ka kong Mukhim, ka la ioh ruh ia ka telephone na U Rangbah Shnong ka Umlangpur, ha kaba ula kynnoh, ba ka kong Mukhim, ka la kren bein ia u kynum jongu bad kumta ula byrngem ban ai da ka mukotduma. Kham hadien, haba ka don ha ka jingialang ha Nepalbora, ki la wan mih kiba ha iing jong ka Anjali Rupsi bad U Samuwell Jahrin, ha kaba ki la ktah kti bad pynmynsaw ia ka.