Pynsangeh ka Supreme Court ia ka hukum ka Meghalaya High Court, ia ka Editor & Publisher Shillong Times

Ka Supreme Court, ka la pyn sangeh noh mynta ka sngi, ia ka hukum pyrshah kashari jong ka  Meghalaya High Court ia ka kong Patricia Mukhim Editor The Shillong Times bad ka  Shobha Chaudhuri, kaba dei ka trai jong katei ka kotkhubor.

Ka khubor kaba la mih mynta ka sngi ha ka Indian Express, ka iathuh ba la shim ia katei ka rai, katba kum ka  jing ujor jong ka Editor & bad ka Publisher jong katei ka kotkhubor, ha kaba la shim bishar da U Ranjan Gogoi Chief Justice jong ka Supreme Court.

Kham mynshwa ka Meghalaya High Court, ka la rai pyrshah kashari ia ka Editor bad ka Publisher jong ka kotkhubor, ha kaba ka la hukum ruh ba kin siew mar T.2lak marwei bad ba la bthah shuh shuh, ba lada kim siew hapoh shitaiew, kumta ia kitei yn set phatok hynriew bnai bad ban khang ruh ia katei ka kotkhubor shi syndon.