Pynthikna ka Mawpat sha ka Semi hadien ba la pynliem ia ka Nongkrem

Shillong: Ka Mawpat SC ka la jam sha ka semifinal ha ka lympung ialehkai jong ka 4th Assam Rifles Invitational Football Tournament hadien ba ka la pynliem ia ka Nongkrem da 4-1 myn hynnin ka sngi ha madan ialehkai ka Assam Rifles ha Laitkor.
Ka nam jop jong ka Mawpat ka la wan lyngba ka hat trick u Defender Pyngrope, bad u Pynshailang Kharduit ula thep shikol, katba u Bankyrshan Mawthoh ula pynphai shikol na ka Nongkrem.
Ha ka jingiakhun u Pyngrope ula thep na ka Mawpat ha ka 28 minit, hadien u Kharduit ula thep ia ka kol ba-ar ha ka 40 minit.
Ka Nongkrem ka la iakhun tyngeh ha ka kylla miet ban ioh pynphai hynrei ka u nongpa kol la Mawpat u Kerechard Lyngdoh ula lah ban iada ia ka kol, ha kawei pat ka liang u Pyngrope ula ioh ban kawang jam ia ka bol na jngai ha ka dong jong ka kol ban thep ia ka kol ba-ar na ka Mawpat.
Ka Nongkrem ka la pynsep ei ia ka kabau lyngba u Hehkamai Sari ba la pyndei da ka khlieh ia ka bol, hynrei hadien san minit ka u Mawthoh ula pyndei da ka khlieh ia ka bol ban pynkhih ia ka jar.
Katba u Pyngrope ula thep ia ka kol hat-trick lyngba ka kol ba la pynbuh da u paralok u Banteinam Kharkongor.
Ka jingiakhun semifinal kan mynta ka sngi ha madan Assam Rifles ha Laitkor. Ka Lawmali kan iakhun pyrshah ia ka Smit por 10:30, bad ka Assam Rifles pyrshah ia ka Mawpat por 1:30 baje.