Kbum sikret ki samla kynthei, ba pule ha IIM, ujor ka KSU

Shillong: Hadien ka jingujor na ki nongshong shnong ba sah markhap bad ka IIM   ia ka jing bym burom shuh ki khynnah pule jong katei ka Institute ia ki nongshong shnong da kaba pynheh jingtem ryngkat ka hylla baroh shi miet kaba la pynthut khamtam ia ki samla pule kiba don hapdeng ki examin bapher bapher, ki dkhot jong ka KSU Nongthymmai circle ba la lam khmat da u samla Eric nongkynrih president bad samla Richard Mawkhiew Genl secy ki la leit iakynduh ia ki bor ba dei peit ia kane ka jaka pule ban ujor halor kane ka jingjia.Ki nongialam ka circle, ki la pynsngew ruh ba kine ki khynnah pule khamtam ki kynthei ki long pynban ka nuksa ba sniew iaki trai ri trai muluk, namar ki kbum beit ia u sikret ha shyntur khlem burom shuh ia ki nongiaid nongieng. Na ka liang ki bor ba dei peit ki la kular ban pynbeit mardor ia kine ki jingjia ba kin ym jia shuh nangne shakhmat bad na ka liang ka seng kan iai bud dien ia kane ka kam haduh ba kan da iaid beit iaid ryntih.