Rung semi phainal ka Lawmali ha ka phutbol ki shipai

Shillong: Ka Lawmali ka la long kaba nyngkong ka kynhun ban ioh rung sha ka semi phainal ka lumpung ialehkai ki shipai Assam Rifles ka 4th Assam Rifles Invitation Football Tournament kaba dang iaid mynta ha madan Laikot.
Ha ka jingiakhun myn hynnin ka sngi, ka Lawsohtun ka la pynliem ia ka Lawsohtun da 6-1 kol.

Ha kawei ka jingialehkai, ka Mawpat ka la pynliem ia ka Mawkhar da 4-3 da ka p shut penalty hadien ba la iakhaid 1-1 ha madan.
Haba phai sha ka jingiakhun hapdeng ka Lawmali bad ka Lawsohtun, ka Lawmali ka la thep 2 kol ha ka 3 bad 6 minit.
Ha ka kyllamiet, ka Lawsohtun ka la ioh ban pynphai kawei ha ka 50 minit bad ka Lawmali ka la pynphai sa 4 kol ha ka 63 minit, ha 79 minit bad sa kawei ha ka 82 minit.
Lashai ka sngi, ka jingialehkai ka quarter phainal kan long hapdeng ka Seven Brothers bad ka Smit por 10:30 AM, bud sa ka jingialehkai hapdeng ka Assam Rifles pyrshah ia ka Mawpdang por 1:30PM. Ki jingialehkai kin long ha madan Laitkor.