Shillong: Wat la ka Balang Presbyterian kam pat shym la pynbna paidbah satia, hynrei la ioh jingtip ba ha ka Dorbar bah ki Pastor kaba la long mynhynnin ka sngi ha ka jingiaseng Synod Sepngi kaba la long ha Umthlong la shim ia ka rai ban sospon ia ki 2 ngut ki Pastor, u Pastor PBM Basaiawmoit bad u Pastor Kyrsoi Pyrtuh.
U Pastor Basaiawmoit u dei u Pastor uba la shongthait na ki kam lehniam jong ka Balang Presbyterian, katba u Pastor Pyrtuh pat u dei uba dang shakri ha ki kam jong ka Synod. La iathuh ba hadien ka jingshah sospon u Pastor Pyrtuh un ym lah shuh ban pyniathoh lane ban pynbaptis bad kumjuh ruh ban trei ia ki kam ka Synod.
Haduh mynta kam pat da shai na kino ki daw ba la sospon ia kitei ki 2 ngut ki Pastor bad haduh katno por katei ka sospon kan neh. La pyrshang ban ia kren bad kitei ki 2 ngut ki Pastor, hynrei kim pat treh ban kren eiei mynta bad ki ap ia ka rai kaba ka Balang kan pynmih. La iathuh ruh ba mynhynnin ka sngi u Pastor PBM Basaiawmoit um shym la leit satia ban ia shim bynta ha katei ka dorbar, hynrei la ong ba u pastor Pyrtuh u shong dorbar lang.
Katta por dang ia pyrkhat ia kata?
Wat para briew ruh lah ia sospon hato ha u Blei pat kin shah sospon ne em???
U Blei u leh ia ki kam jong u lyngba ki briew
Ka bha ba sospon ia ki Pastor ba Balain palat.
Ka kamkai suda lada synod ka suspon kam tang iaki ar ngut ki pastor kan khambha ban leh lang iangi ruh ki nongbud, nga ting ia u Blei um iaphi ki pharisi, sadusi, ki lyngdoh arsap, pynlieh itynnad kai tang na jrong kum ki lum jingtep, suk ka ut ban rung haki thliew thyrnia ban ia uba hrah spah kum maphi lada ka long na u Blei phim lah ban khang, kin dang mih bun ki Nabon, ka rai ka long na u Blei haba u mynsiem u pynkhih ngam lah ban ieng pyrshah ioh nga long kum u Jonah bad ngam long u nasar kum u Samson hynrei nga ngeit kum u Daniel, u Joseph khun u Jakob lada hap rung ruh nar ruh kampher, God sees the truth but wait
Haba kumta p bud ia u Blei NE ia u pastor ne???
Nga ngeit ba ka Synod kam dei ba ka pyrshah lane sngew pyrshah haba ki shim bynta ha ka kam politics, hynrei ki hap ban jied tang kawei namar ki lah bam smai kum u Pastor bad haba ki sngew ia ka jingkhot ban mih madan ha kaban iakhun ia ka elekshon, ki lah dei ban resign hi noh ym ban ap haduh ban da ong da ka Synod. Ioh kam don ka ain kaba shai ruh ha ka Constitution jong ka Balang Presbyterian, ba kine ki pastor kim tip ban leh.
Phim lah ban ong ei ei ia Kane namar…pyrkhat bha ….u Blei u leh ia ki kam jong u lyngba ki briew…. Na uno uno briew u lah ban leh
Ha ba trei ia ka kam u Trai ka dei ka kam mynsiem ym lah ban trei bad ki kam ka doh. Namar lada trei lei sa ka politic ka jing kynthoh kan mih man ka sngi ym lah ban pynhun ia u paitbah. Kin mih ki jing kynnoh bun rukom kumno ka synod ka lah ban sngap ia kum kita . Ka Synod ka don la ka Constitution ka hap ban leh lada ka sngew donkam ban leh.
Lada la don lypa ha ka riti pyniaidkam jong ka Synod, lah ban leh ia kata hynrei lada ym don, ka long pyrshah ia kata
Pastor mynta ruh kum MLA hi. Shuh heh tang ka ktien balain ka kam bym poi shaei shaei
Ka synod ka don la ki jong ki kyndon ne riti synshar(constitution) lada pynkhein ne lah palat ka ai jingsneng. Ia ka poi ne ym poi bneng ngim lah ban ong ei ei namar ka shong tang ha ka jingiadei jong u bad u Blei. Ngim lah ban pynksan ne pynrem namar kadei ka jinglong mynsiem.
Nga ngeit ba ka Synod kam dei ba ka pyrshah lane sngew pyrshah haba ki shim bynta ha ka kam politics, hynrei ki hap ban jied tang kawei namar ki lah bam smai kum u Pastor bad haba ki sngew ia ka jingkhot ban mih madan ha kaban iakhun ia ka elekshon, ki lah dei ban resign hi noh ym ban ap haduh ban da ong da ka Synod. Ioh kam don ka ain kaba shai ruh ha ka Constitution jong ka Balang Presbyterian, ba kine ki pastor kim tip ban leh.
Namar ha ka Bible lah Ong phim lah ban Shakri ar kynrad, ia u Blei, ha ka juh ka por ia ka pyrthei,
Da kaba Burom iaphi, kat kum ka jingtip ba tikna te u dei u briew uba lah shongthait na ka Kam. Ym lah ban ong ba u shakri ar kynrad . Da pyrkhat bha te lah dei tang u Kristan kum ma nga ma phi hi. Kumba baroh ki dkhot jong ka Balang ki long laitluid ban rung ha ka Politic ne kano kano ka kam. Kumta nga sngew ba ia u Pastor PBM ruh ym dei ban don jingteh kyndon.
Bah Monarch Shaving da kaba burom iaphi…Hato shuwa ba pyn pynmih ia kum kine ki khubor phi la da pyrkhat bunsien ne ha kano ka rukom…Hato phi pynmih da ka jingsngew kit khlieh ne ban Thad iaka Synod….
Ha ka jingshisha ka dei ka kamram jongka Synod ban ai Press Release Ym dei da ka bor jongphi ki Reporter….
Nalor kata haba phim pat ioh iaka Khubor kaba shai Sngewbha wat pynmih seh kum kine kin ialam bakla ia ki paidbah bym tip eiei… Kane kam dei ka Magazine ban pule tang ki dkhot jongka Presbyterian hynrei ka dei ka Kot Khubor kaba baroh ki kynhun Balang ki pule lut…
Namar kata nga kyrpad rit ba kum kine khubor ai ba kin mih daka Jingkylli na ki bor ba halor Ym ban shu ia kynthoh ne pynmih kumne…
Ki dkhot ka Balang Presbyterian KJP Synod ki dei ban kohnguh ia ka Synod. Lada ngi ialeh pyrshah ngi don hok ban shah pynshitom
Ki press ki don laka jong ka hok ban sei madan iaki kam barieh jongno jongno, ia ka jingngeit ruh yn um lah ban pynbor ka shong haka jingshem mynsiem……