Shah kem 5 ki KSU ba khynra License

Shillong,4 Iaiong:
5 ngut ki dkhot ka Khasi Student’s Union, KSU ki la shah kem ha ki pulit mynhynin ka miet namarba ki la leit sha Lumshyiap ban khynra Labour License ia ki bar jylla. Ki san ngut ki dkhot ka KSU ba la shah kem ki dei kiba la tip kyrteng kum u Paul Roy 28 snem, Iaihunlang Khyriem (25 ), George Eam Kharwanniang (26), Ferdinand Kharhunai (19) bad u Kerrilang Kharhunai (18). Ka khubor pulit ka la iathuh ba mynhynnin ka miet 3 tarik ha ka por 10 baje mynmiet, kitei ki 5 ngut ki dkhot ka KSU ki la leit sha Belfonte, Lumshyiap, Shillong ba ki la khynra Labour License na ki bar jylla, bad ha katei ka jingkhynra ki la shoh la dat ia ki bar jylla ba don ha katei ka jaka. Ki pulit ki la kem ia kitei baroh 5 ngut bad ka jingtohkit ka dang iaid shakhmat.
Ha kawei pat ka jingjia,ki pulit ki la iathuh ba ha ka 1 tarik myngta u bnai , uwei u dkhot ka KSU u bym ithuh kyrteng , u la phone pulit bad u la pyntip ba uwei u briew uba la tip kyrteng kum u Yunder Mawlein u la shah bom ha ki paidbah ha Mawkyrwat halor ka jingkynnoh ba u la donkti ha ki kam batbor ha Mawkyrwat,South West Khasi Hills, hadien ba ki pulit ki la tohkit ki la lap ia utei u briew napoh ophis ka KSU Mawkyrwat ba u la shitom jur, la pynkit ia u mar-mar sha CHC Mawkyrwat bad hadien ba la leit rah sha Civil Hospital Shillong hynrei ha ka 3 tarik mynta u bnai utei u rangbah u la khlad noh.