Pyllait U MLA ka Umsning ia ka Ambulance sha 5 tylli ki shnong

Nongpoh: U Bah Jason S Mawlong, MLA ka Umsning, hynnin ka sngi Saitjain, u la pyllait paidbah ia kawei ka kali kit nongpang Ambulance, ka ban sa ai jingshakri ia ki 5 tylli ki shnong kiba hap hapoh ka Umsning Constituency.
La pyllait paidbah ia katei ka Ambulance ha shnong Sumer Saw Nombor bad kiba la donlang ha katei ka sngi, ki kynthup ia u Rangbah shnong ka Sumer Saw Nombor u bah Rishan Diengdoh, u Bah Dipul R Ryntathiang, ki nongkitkam ka PDF Umsning Zonal Committee lem bad kiwei kiwei ki riew rangbah jong katei ka thain.
Kitei ki san tylli ki shnong ki ban sa ioh jingmyntoi na katei ka Ambulance, ki kynthup ia ka shnong Sumer Saw Nombor, Byrwa, Lawbyrwa, Umramblei bad Umtham.

Ki nongialam shnong jong katei ka thain, ki la pynpaw ia ka jingsngewnguh shikatdei halor ka jingshimkhia da u Bah Jason S Mawlong, ban pynioh ia katei ka Ambulance, kaba dei ruh kawei na jingdonkam jong ki paidbah.
Ha katei hi kajuh ka sngi, u Bah Jason Mawlong, u la leit ban pyllait paidbah ia ar-tylli ki lieng kiba u la ai sngewbha sha kawei na ki jaka jngohkai Pyrthei kaba don ha shnong Rongmesek kaba dei kawei.