Nongstoiñ: Ka kynhun ialehkai jong ka Umiam United ka la ioh ban khur ia ka jingjop ha ka jingiakhun ia ka quarter final kaba lai pyrshah ia ka kynhun ialehkai jong ka Shillong Lajong FC bad lyngba katei ka jingjop ka Umiam United ka la rung syndon shaduh ka semi final jong ka lympung 2nd Invitation Knock out Football Tournament 2018-19 bala pyniaid da ka New Nongstoiñ Sport Social & Cultural Club (NNSSCC).
Katei ka nam jop jong ka Umiam United kala wan hadien ba kala lah ban pynliem noh ia ka Shillong Lajong da 2 kol la 1 kol ha ka jingiakhun quarter final kaba la long hynne ka sngi ha ka madan ialehkai jong ka shnong New Nongstoiñ.
Ia kitei ki 2 tylli ki kol kiba kynsai jong ka Umiam United la ioh ban thep da u Gamelial Kharlyngdoh ha ka minit kaba 44 bad 68 katba ia ka 1 kol jong ka Shillong Lajong pat la ioh ban thep da u Laldan Mawria ha ka minit kaba 39.
Ia ka khusnam man of thr match ah katei ka sngi la ioh ban khur da u Micky Tynsong jong ka Umiam United bad na ka liang jong ka NNSSCC kala pyntip ba ka jingiakhun quarter final kaba khatduh jong katei ka lympung kan long biang ha ka 12 tarik mynta u bnai ha kaba ka kynhun ialehkai jong ka Littlestar Academy kan iakhun pyrshah ia ka Laban SC.
Phi don ban ong eiei?