Nga kyrshan kum u kha ia u Bah Pala:Pohshen

Shillong, 3 Iaiong:
U kyrtong shimet ba iakhun MLA na Nongkrem ha kane ka elekshon ba la dep, u Bah Hilarius Poh shen u la ong ba u kyrshan ia u kyrtong ka Congress u Bah Vincent H Pala kum u ‘Kha’ ym kum u ‘Kur’.
“Ngam dei u Congress (kur), nga kyrshan ia u Bah Pala kum u Kha (nabar)”, la ong u Bah Pohshen haba iakren bad u Rupang ha kane ka sngi Palei.
U Bah Pohshen u la ong ba u Bah Pala um shym la kyrshan ia u ha kane ka elekshon ba ladep dei ba u kyrshan ia u ha kane ka elekshon nga la don jingkyrmen ban jop.
“U Bah Pala um shym la kyrshan ia nga wat tang shi tyngka ruh u khlem ai dei ba u iarap ia nga ha kane ka elekshon ngan theh bad syep bad mynsiem ban kyrshan ia u”, la ong u Bah Pohshen.
U la ong ba watla u bah Pala um shym la ai jingkyrshan ia u hynrei mynta u don bynta ha ka jingialang Congress naduh kane ka MDC namar ba u kyrshan ia u Kyrtong Congress u Bah Lambor Malngiang
“Shiliang ka kjat jong nga ka dang sahkut ha ka Congress namar ba nga la kyrshan ia u Kyrtong ka Congress ha kane MDC elekshon’, la ong biang u Bah Pohshen.
Ha kaba iadei bad ki paidbah nongkyrshan jong u, u laong ba um pynbor ia ki ba kin kyrshan hynrei ka shong ha ka mon jong ki.
U Bah Pohshen u la ong ba u la iakhun elekhon la arsien kynthih ha u snem 2008 u la ioh 3,000 tam ki vote bad ha u snem 2013 u la ioh 5,000 tam ki vote. Ka jingkyrshan jong ki paidbah ia u ha kane ka elekshon ka la nang kiew haba ia nujor ha ki snem ba ladep bad ha une u snem ba la dep.