Ïap aksiden u khynnah ba leit bamkhana sha Shnongpdeng

Shillong: Ha ka 4 tarik mynta u bnai, uwei u khynnah ba dang 14 snem u la duhei la ka jingim tang na ka daw ka jingbakla, katei ka jingjia ka la jia ha Shnongpdeng. Utei u khynnah uba la tip kyrteng kum u James Brooklyn Kharkrang u dei uba wan bamkhana ryngkat kiwei pat ki paralok kiba la wan da ka bos kaba don ia u nombar ML-10B 8166. Ka la jia ha ka por ba utei u khynnah u hiar na katei ka bos hynrei katei ka bos kaba ki wan bamkhana ka la kum tynrah da ka tdong ia utei u khynnah. La pynkit ia u mar mar sha CHC Dawki hynrei haba la poi hangtei ki doktor ki la pynbna ba u la iap lypa shuwa ban poi sha katei ka jaka sumar.