Kanbas elekshon u Mukul da ka helicopter T. 50 lak siew boina, ka MPCC sha ka Pawan Hans

Shillong, 3 Iaiong:
U Returning Officer ka Tura Lok Sabha parliamentary constituency u Pravin Bakshi, u la ai kai phod sha u Meghalaya Chief Electoral Officer (CEO) u Prashant Naik ba ka Helicopter ka Pawan Hans Limited Dauphin N3 ba pyndondam da u Myn tri Rangbah ka jylla u Mukul Sangma ban ialap elekshon ka dei hadien ba la ioh jingbit na ka Meg halaya Transport Corporation (MTC).
Ia kane ka helikop ter la shim wai ka Megha laya Pradesh Congress Committee (MPCC) kaba siew boina T. 50 lak sha ka Pawan Hans.
Ha ka kaiphod sha u Naik, u Bakshi u la ong ba hadien ba la pynsangeh ia ka jingshim wai ka da ka MTC, katei ka kompeni ka la ai wai ia ka helikopter ha ka MPCC ha ka jing siew boina kaba T. 50 lak lyngba ka RTGS. Hadien ba la ioh ia ka jingbit na ka MTC, ka kompeni ka la aiwai ia ka helicopter ha ka MPCC.
U myntri Rangbah u la pyndonkam ban ialap elekshon da ka helicopter ha ka thain Garo Hills na ka bynta u kyrtong ka Congress u Daryl William Momin naduh ka 25, 27, 28, 29, 30 tarik u Lber, bad ha ka 1, 2 bad 3 Iaiong.
Ka NPP ka la ujor pyrshah ia kane ha ka Election department ba u myntri rangbah ka jylla u Mukul Sangma, u la pyndonkam bakla ia ka helicopter bad pynkhein ia ka ain elekshon.
Ha ka jingujor u nongialam ka NPP Garo hills district u Semford B Sangma u la ong ba ka jingpyndonkam da ka helicopter Pawan Hans kaba la buh na ka bynta ban shakri ia ki paidbah, bad ba la pyniaid da ka Meghalaya Transport Corporation, ka dei ka jingpynkhein ia ka ain elekshon.
U Semford u la ujor ruh ba ka Congress ka la siew T. 50 lak na ka bynta ban pyndonkam ia kane ka helicopter ha ka 25 bad 26 tarik Lber.