Shillong:Ha ka 2tarik Lber 2019, ha ka por 10.45 baje mynstep, hadien ba la pynbna ia ka result elekshon MDC jong ka 14-Mowkaiaw, ki nong kyrshan jong u kandidet NPP kiba rem kiba don kumba 100/150ngut eiei, ki la leit tur sha ki iing jong ki nong kyrshan jong u kandidet UDP bad ki la kawang maw bad pynjot ia ki 3,4 tylli ki iing briew.
Ym tang katta, ki la pynjot ruh ia ki katto katne tylli ki kali, kiba dei ki nong kyrshan jong u kandidet UDP bad la iathuh ruh ba ki la don kiba kawang maw ia ki kali kiba iaid ha ka surok bah ha Khliehtyrshi, ha kaba ki la don bun tylli ki kali kiba la julor, wat la ym don pat ki briew kiba la mynsaw na kitei ki jingjia.
Phi don ban ong eiei?