Ka seng UDP, kam pat shym la dawa ban weng ia ka BJP, ong U Conrad

Shillong:U Conrad K Sangma, myn hynnin ka sngi, ula iathuh ba ka seng UDP, kam pat shym la dawa satia, na ka bynta ban weng noh ia ka seng BJP, na kane ka kynhun sorkar Meghalaya Democratic Alliance (MDA).
“Katei ka jing dawa, ban weng ia ka BJP na ka kynhun synrop, ka wan na u briew shimet bad kam dei satia ka rai jong ka seng” ong U Sangma, haba kren ha ki kotkhubor mynta ka sngi.
U bah Allantry F Dkhar, nongialam jong ka seng UDP, u dawa ban weng noh ia ka seng BJP, na ka kynhun synrop, ba la ialam da ka NPP ha ka Jylla.
“Ngi sngew skhem shibun halor ka nongrim jongngi, ba ka BJP kam dei shuh ban don ha ka sorkar synrop ba ialam da ka NPP. Ngi dang shu ap ia ka por, ban iohi ba ka NPP kan mih noh na ka sorkar synrop ha ka jylla” ong U Bah AF Dkhar Vice President ka seng UDP, ha ki khyndiat sngi ba ladep.
Ha kane ka iing dorbar kaba mynta, ki don ar ngut ki dkhot jong ka seng BJP bad kitei ki long U bah AL Hek, myntri ka koit ka khiah ka sorkar Jylla bad U bah Sanbor Shullai, Chairman ka Meghalaya Tourism Development Corporation (MTDC) chairman, Sanbor Shullai.