Ka daw ing ka dei ka kam kaba rit eh, kam u heh Congress

Shillong, 31 Lber:
Ha kine ki sngi shuwa ka elekshon MP Lok Sabha, ki la mih shibun ki jingkynnoh bad ki jingiasuba sniew hapoh ka seng Congress , ka la don ka jingkynnoh ba don ki MLA bad ki nongialam Congress ki bym treh ban kyrshan ia u kyrtong ka seng u Ma Vincent Pala. Katei ka jingiakynnoh bad ka jingiasuba sniew ka la poi ruh wat shaduh ki tyndong shkor ki nong ialam ka AICC, ha kaba u General Secretary ka AICC uba dei peit ruh ia kane ka jylla u la hukum ia ki nongialam Congress bad ki MLA ba ki dei beit ban kyrshan

ia u kyrtong ka seng bad ia katei ka hukum u la pynher da ka shithi sha u President ka MPCC u Dr.D.D Lapang.
Katei ka jingiasuba sniew para nongtrei bad para nongialam , ka

la dei ka kambah bad ka daw ing kaba buh jingma ia ka Congress ha kane ka elekshon MP Lok Sabha 2014 ka ban sa long ha ka 9 tarik u iaiong. La kylli na u bah Oris Lyngdoh u nongialam ba la rim bad ba la rangbah bha ka Congress hato kitei ki daw ki la dei mo ki daw heh kiba lah ban ktah ia ka Congress ha kane ka elekshon MP, u bah Oris Lyngdoh u la kyntait war ba ki dei ki daw heh , hynrei u la kam ba ki dei tang ki kam pohing bad ha u –u shim ba kitei ki dei tang ki daw kiba rit eh. ‘Ha kiwei ki lah ban long ki daw kiba heh, hynrei ha ngi i dei tang iba rit eh’ ong u bah Oris haba kren sha ki nongthohkhubor mynta ka sngi.
Shuh shuh la kylli hato ka Congress kan pynshitom ne-em ia kito ki nongialam lane ki MLA kiba pyrshah ban kyrshan ia u Ma Vincent Pala, u Ma Oris u la kam ba haduh mynta ym pat don kum kita namarba bay m shym la iohi ba kin iaid haba paw, u la ong ruh ba ia mynta ka seng kam lah ban ong eiei la yn pynshitom iai ki, “Ka dei ka kam shi-ing ngin sa ia peit” iai ban biang u bah Oris da kaba bteng ba ka dei ka kam shiing.