T.30 lak shongdor ki bui ka tnat khlaw, ba jah na Secretariat

Shillong,31 Lber:
Khyndiat sngi myn shuwa, ka Deputy Secretary Forest & Environment ka A.Nikhla, ka la ujor sha ki pulit ba- ar tylli ki bui ki la jah na Secretariat , bad kitei ki don ki kot ki sla kiba don jingiadei bad ki kam ka Border Area. Ka la ujor sha ki pulit ka Sadar PS, ba kitei ki bui ki la jah hapdeng jong u snem 2006 haduh ka 19 tarik u lber.
Tang hadien shisngi-ar sngi ba la mih kitei ki jingujor, ki la mih ruh ki jingkynnoh ba kitei ki bui ki don ki kot ki sla kiba la pyni ba ka don ka jingpyn donkam bakla ia ka pisa kaba haduh T.30 lak tyngka na ka bynta ban shna ia ka Syndai Park ha Jaintia Hills ha khappud ka Bangladesh. La kynnoh ruh ba ia katei ka pisa la pyndonkam bakla da u Principal Chief Conservator of Forest u TTC Ma rak, u ban sa shong thait noh ha une u iaiong mynta u snem.
Halor kitei ki jing kynnoh u Marak, Chief Conservator of Forest u la pynshai ba ia ka jingtrei ha Syndai Park la pyntrei da ki nongtrei ka tnad Forest & Environment ba kyn thup naduh u DFO, Range Officer, Forester bad kiwei. U la pynpaw ruh ba ia ka Utilization Certificate la leh ruh da u DFO,SF Jaintia Hills (SF) Divi sion,Jowai ha ka jinglut kaba la pynlut T.26,32,600 tyngka. U Marak u la ong ruh ba la ioh ia ka kaiophodjong ka jingleit jurip lang jong ka tnad Border Area Development bad ka Forest kaba la long ha ka 3 tari u rymphang 2010, bad katei ka kaiphod ka la pyni ba ka tnad Forest ka la pyndep ia ki kam kiba la shongdor T.26,32,600 tyngka ba kynthup naduh ki jingker sainar, ki khyrdop, ki lynti iaid, ka um bad kiwei. Ka kaiphod, ka la iathuh ruh baroh ki la sngewhun ia katei ka ripod.
U la pynpaw ruh ba ka jingtrei kaba sah jong ka 2 unit ka 4th Grade Quarter kaba kot sha ka T.4,28,200 tyngka kaba dang hap ban dang pyntrei. U la ong ba la pynsangeh ia katei ka kam namar ba u secretary ka Border Areas Development ka la bthah ia ka tnad ba kan sangeh ban shna ia ka 4th grade Quarter tad haduh ba kan da don ki nongtrei ha ki kyrdan Post Grade IV. U Marak u la pyni ruh ba ki don ki kot ki sla kiba u Secretary ka Border Areas u bah B.Dhar u la bthah ban phah ia ka UC ba la pyndep ia ka T.26 lak tam ha kaba ka tnad Forest lyngba u Divisional Forest Officer, social Forestry Division, Jaintia hills Jowai ka la dep ban phah.