Haduh 3 tylli kylla ki kali, ha kajuh ka jaka ha Quinine

Nongpoh: Hynnin ka janmiet ha ka por 4:30 baje ei ei, ki la don haduh lai tylli ki kali kiba la kylla khongpong ha kajuh ka jaka kaba shait kylla kali surokbah NH-6 kaba hap hapoh ka shnong Quinine, Ri Bhoi District.
Kitei ki kali kiba la kylla ha katei ka jaka, ki kynthup ia ar-tylli ki Swift Dzire, kiba don ia u number AS-11-H-4322, ML-08/D-1916 bad kawei na Renault Kwid ka bym pat don number.

Ha ka jingkylla kitei ki kali ha katei ka jaka, ym shem la don kiba mynsaw jur, hynrei ki shu don tang kiba mynsaw malu mala. La ioh jingtip ba ka daw kaba la pynlong ia ka jingkylla jong kitei ki kali, ka lah ban dei na ka jinghap slap.