Ka India, ka kren pyrshah jur halor ka jing pyni ia ki dur jong utei u nongniah liengsuin iapom, uba mynsaw da ka Pakistan, ha kaba la ong ba katei ka dei ka jing pyni ia ki dur kiba long khlem akor shi katdei eh.
Ka jing pynmih khubor ka India, ka dei hadien ba ka Pakistan, ka mynjur, ba ka la ioh bat ia utei u shipai suin.
Mynta na ka liang jong ka tnat kam bar ri, ka kam ba utei u shipai suin, uba niah ia ka MiG 21, ula jah haba ka liengsuin jongu, ka la hap na ka jing iakhun bad ka liengsuin na Pakistan.
Ha kawei pat ka khubor, na ka liang ka India, ka dawa ia ka Pakistan, ba kan pyllait noh mar mar ia utei u nongniah liengsuin, uba don mynta ha kti jong ki shipai Pakistan.
Ha kajuh ka por, ka India, ka la khot hajir ia u nong mihkhmat ka sorkar Pakistan mynta ka sngi, ha kaba ka la pyni ia ki jingshisha kiba la jia ha ka jinghiar thma ki ehrang Jaish-e-Mohammed, ha ka 14tarik Rymphang 2019 ha Pulwama, ha kaba 40ngut ki pulit CRP ki la iap ei. La pyni ruh ia ki jingshisha, kiba kitei ki ehrang JeM, ki trei kam ha Pakistan bad la dawa ba ka Pakistan, ka dei ban leh noh mardor ban pynduh jait ia kitei ki ehrang na u pud u sam jong katei ka Ri, ong ka khubor jong ka tnat bar ri mynta ka sngi.
khublei shibun ia ka jinglah jongphi ban pynmih khubor hangne bad lada phin ailad sa ia ki paidbah ban pynmih khubor hangne kumba long ha ki kotkhubor nga ngeit ba kan nang kham janai shuh shuh