Wiang ding ki runar ia ka jingkieng kali ha Phudkroh

Shillong, 31 Lber:
Ka kynhun jong ki runar ki la wiang ding ia kawei ka jingkieng kali ha Phudkroh, kaba hap ha South West Khasi Hills ha kane ka miet sngi u Blei.
Da kane ka jingshah thang kane ka jingkieng, ki kali ba iaid sha thain Mawkyrwat ki la hap ban iaid noh na surok khap pud.
“Nga la bthah ia u Extra Assistant Commissioner ban pynlong ia ka jingtohkit halor kane ka jingjia. Ngi la ujor ehajar ruh ha ki pulit”, la ong ka Deputy Comissioner ka South West Khasi Hills ka Kong Ripnar Lyngdoh ha kane ka sngi Lah u Blei.
Ka la ong ba ka hukum ban pynlong ia ka jingmoramot kyrkieh ia kane ka jingkieng.
“Kane ka jingmoramot yn pyndep ha kane ka sngi Balang”, la ong ka Kong Lyngdoh.
Ka Deputy Commissioner ka la ong ba ka jingjulor na kane ka jingthang, kam da ktah ia ka jingiaid jong ki kali ha ka thain Mawkyrwat bad ki jaka ba marjan jongka.
“Ngi la phah iaid noh ia ki kali na surok khappud. Ngi la pyntip ia ki BSF ia kane ka jingphah iaid ia ki kali”, la ong ka Kong Lyngdoh.