U shipai suin, ba ioh kem ka Pakistan, dei uba sah ha Shillong

Ki lad khubor ki iathuh ba U Abhinandan Varthaman, uba dei U Wing Commander jong ki shipai suin, uba la shah kem ha ki shipai Pakistan, u dei u khun jong u shipai suin, ba la shongthait bad u dei uba shong ba sah bad la ki kmie ki kpa ha Shillong, Meghalaya, ha kaba u kpa jongu, u dei uba trei ha ka  Eastern Air Command.

U  Wing Commander Abhinandan Varthaman, ula shimti ia ka kam ban pynher liengsuin ia pom naduh u snem 2004 bad u dei u khun jong U  Air Marshal Simhakutty Varthaman, uba la long U  AOC-in-C jong ka Eastern Air Command ha Shillong, naduh ka 1tarik Nailar 2011 haduh ka 30tarik Naiwieng 2011.

Ha ka jingiakren bad ki telebishon ha Pakistan, U Abhinandan Varthaman, ula iathuh ba u dei u don ha ka niam Hindu.  U Varthaman, u shong u sah mynta ha South Chennai.

Na ka liang jong ka iing U Varthaman, ki pynpaw ia ka jingsngew sih kthang haba ki iohi, ia ka dur jong u khun jongki ha ka prokram telebishon. U Kni jong U Varthaman, u ong “Nga iohi ia ki dur ha ka TV bad ngan ia kynduh ia ki kmie ki kpa jongu. Sngewbha wan ialam noh ia U Abhinandan bad da kaba suk ba sain. Nga kyrpad ia ka sorkar, ba kan wan ialam ia u, da kaba suk ba sain”.