Khyrwit ki shipai Pakistan, ha ki lai tylli ki jaka jong ka Jammu and Kashmir

Ka Pakistan, ka la ther tyngeh mynta ka janmiet, ha ki lai tylli ki jaka kiba don ha u line of controll (LoC) bad kitei ki dei ha  Akhnoor, Nowshera, Krishna Ghati sector jong ka Jammu and Kashmir.

Ha ka por 5.30  mynta ka janmiet, ka Pakistan, ka la khyrwit tyngeh bad ki siat da ki suloi ha khappud bad la iathuh ba ki shipai India ruh ki ia ther kuli kylliang.

Katei ka lah ban long, kum ka jing kput kylliang jong ka Pakistan, na ka jinghiar thma ki shipai suin ka India, hynnin ka miet, ha kaba ki la khyrwit ia ka ktem jong ka  Jaish-e-Mohammed, kaba dei ka kynhun ehrang, kaba ju hiar thma ia ka India na Jammu and Kashmir. Lah ban pynkynmaw ba ka  Jaish-e-Mohammed, ka kit khlieh, halor ka jing pyniap jongka, ia ki 40ngut ki pulit CRP ha Pulwama, ha ka 14tarik Rymphang 2019.