Her ka lyer ialeh pyrshah ki MLA Congress sha Delhi Hukum ia ki MLA, ba kin kyrshan ia U Vincent Pala: Faleiro

Shillong, 30 Lber:
U General Secretary ka All India Congress Committee (AICC) ba peit ia ka Meghalaya u Luizinho Faleiro, u la bthah ia U President ka MPCC u Bah DD Lapang ba un hukum ba baroh ki MLA, ki nongialam ka party bad ki dkhot kin kyrshan pura ia u Bah Vincent H Pala ha kane ka elekshon MP.
U Faleiro u la ong ba u la ioh jingtip ba don ki nongialam jong ka Congress ha ki constitueny kiba thmu ban nym kyr shan ia u kyrtong ka party ha kane ka elekshon.
Ha ka shithi, sha u Bah Lapang, u Faleiro u la ong, “La kyrpad ia phi ban pynthikna ba ka jingthmu ban nym kyr shan ia u kyrtong ka party dei ban tem noh mardor bad dei ban trei tyngeh ban pynjop ia u kyrtong ka par ty da ka bor baroh”.
U Faleiro u la ong ba ki khubor ba la ioh ki la ong ba don ha ki katto katne ki jaka ne constituency, ki nongialam ka Congress ki la pynshit ia ki nongkyrshan ban nym kyrshan ia u kyrtong ka party bad kane ka long kaba sngewkhia bha haduh ki heh ka party ba najrong eh.
U Faleiro u la bthah ia u Bah Lapang ban thaw ia ki lad ki lynti baroh ban pynduh ia kane ka jingthmu jong ki nongialam ha ki katto katne ki jaka ban nym kyrshan ia u kyrtong ka party ha kane ka elekshon.
U Faleiro u la ong “Kano kano ka jingujor pyrshah ia ki nongialam bad ki dkhot ka party, ba kin don kti ban ialeh pyrshah ia ka hukum ka party, kin sa shah pynshitom da kaba tyngeh”.
Ha kine ki sngi, la her ka khubor ba ki don ki MLA ka Congress ha Jaintia bad Khasi Hills kiba thmu ban nym kyrshan satia ia u Bah Pala namar ba ki don ki daw pyrshah ia u. kane ka la poi syndon ha tyngdong shkor ka AICC kaba la tuklar wut wut ban thoh sha ka MPCC halor kane.