Leit ujor biang ka seng ki nong khaii dewiong sha Supreme Court, ban pyllait dewiong

Shillong: Ka Meghalaya State Co-ordination Committee of Coal Owners, Miners, Exporters, Transporters & Dealers Forum (MSCCCOMETDF) kaba tip lyngkot kum ka Forum, ka dei ka seng kaba  nyngkong ban leit buh ia ki jingkyrpad hadien ba la shah khang ka tih dewiong, ha u snem 2014 sha  ka National Green Tribunal bad mynta la katto katne por pat sha ka iing bishar jong ka Supreme Court.

Kum ka jingiai buddien ia kane ka kam kaba la ktah ia ka ioh ka kot jong kiba iadon bynta ha kane ka kam bad ia ki nongbylla kiba im ja sngi na U dewiong, ka la leit pynsngew biang ia kane ka kam sha ka iing bishar jong ka Supreme Court ha ka 19-02-19. Hapoh ka jingialam jong U nongiasaid rangbah  jong ka Supreme Court U Rajiv Dutta bad ka kynhun jong ki stad ain kiba la iasaid ha ka 19-02-19 halor ka phang ban ioh plie noh ia ka kam tih dewiong ha ka Jylla ka ban long katkum ki jingai jingmut ia ka rukom tih par dewiong (Mining Plans)  ba la phah da ka Sorkar Jylla ba mynshwa bad kaba mynta sha ka Sorkar Kmie bad halor kane ka bynta ka Supreme Court ka la bthah ia ka Sorkar Kmie ban wanrah noh ia ka rai kaba kut ne khatduh (final decision) hapoh ka shi bnai bad ia kane ka kam yn bishar ha U bnai ban wan ha ka 26 tarik U Lber 2019, ong ka kyrwoh na U Bah Sonny L Khyriem, Chairman, MSCCCOMETDF, Shillong.