Na ki khyrdop khrong pisa, thut ka iaid ka ieng ki paidbah

Shillong,28 Lber:
Ka jingieng ki khyr dop khrong pisa kiba lum pisa na ki trok kit dewiong kiba wan na Shahlang bad kiba thmu ban leit sha Assam lyngba ka Athiabri ka la pynthud ia ka iaid ka ieng ki paidbah, namarba ka la wanrah ia ka jing dheng kali ha katei ak thain, ki kali rit kim ioh lad ban iaid bad katei ka jingdheng trok ka la pynthut ruh wat ia ki nongtrei kiba dang trei ha ka surok bah.
Ki khyrdop ba la pynieng ha katei ka jaka ki kynthup ia ak khyrdop ka District Council, ki khyr dop ka sorkar jylla, bad ka jong u Syiem. Nalor ki khyrdop ki don ruh sa ka jaka thew ne ka Weight Bridge haduh 5 tylli kiba lum pisa na manla ki trok shuwa ban poi Assam. La iathuh ba kitei ki WB ki lum pisa sdang naduh T.200 tyngka haduh T.500 tyngka , bad haba ia khein ia ka jinglut kawei ka trok kit dewiong haduh ban da poi Assam ka poi haduh T.40 hajar tyngka kawei.