Leit phai biang u MLA barim ka Mawshynrut sha ka Congress

Nongstoiñ: Nalor ka jingwan pyniasoh jong ki dkhot bad nongkitkam jong ka PDF Mawshynrut Zonal Committee bad kumjuh ki HSPDP sha ka seng Congress ha kine ki taiew ba la lah u kyrtong ka Congress napoh Mawshynrut konstitwensi ula nang ioh mynsiem shuh shuh namar ka jingwan phai biang jong uwei na ki riew rangbah u ba la long teng ruh kum u MLA barim ka Mawshynrut Konstitwensi u Francis Pondit Sangma.
U bah Francis Pondit Sangma u la jop kum u MLA shimet na Mawshynrut ha u snem 2003 haduh 2008 bad naduh u 2008 u la leit ban rung noh sha ka seng Congress haduh u 2013 bad kane ka jingwan phai biang jong utei u rangbah sha ka seng hapoh Mawshynrut Konstitwensi ka la long ka jingkyrkhu ia ka seng Congress na ka bynta ki polling station kiba bun ki jaitbynriew Garo.